ದಿನಾಂಕ 20-9-2016 ರಂದು ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಇಂಟರ್‍ಯಾಕ್ಟ್ ಕ್ಲಬ್‌ನ ಆಶ್ರಯದಲ್ಲಿ ಸಭಾನಿರ್ವಹಣೆಯ ಬಗ್ಗೆ ಕಾರ್ಯಾಗಾರ ನಡೆಯಿತು. ಕಾರ್ಯಾಗಾರದಲ್ಲಿ ರೋಟರಿ ಕ್ಲಬ್‌ನ ಮಾಜಿ ಜಿಲ್ಲಾ ಕಾರ್ಯದರ್ಶಿಗಳಾದ ರೋ.ಡಾ.ಸೂರ್ಯನಾರಾಯಣ ಅವರು ಮಕ್ಕಳು ಸಭಾನಿರ್ವಹಣೆ ಹೇಗೆ ಮಾಡಬೇಕು, ಅದರ ಜವಾಬ್ದಾರಿ ಯಾರು ವಹಿಸಬೇಕು, ಸಭೆಯಲ್ಲಿ ಶಿಸ್ತು ಕಾಪಾಡುವುದು ಹೇಗೆ, ಯಾವ ರೀತಿ ಇಂಟರ್‍ಯಾಕ್ಟ್ ಕ್ಲಬ್ ಕಾರ್ಯ ನಿರ್ವಹಿಸಬೇಕು ಎಂಬುದರ ಬಗ್ಗೆ ಸಮಗ್ರ ಮಾಹಿತಿ ನೀಡಿದರು.

ಇಂಟರ್‍ಯಾಕ್ಟ್ ಕ್ಲಬ್‌ನ ಅಧ್ಯಕ್ಷ ಸುಧನ್ವ ಶ್ಯಾಂ ಸಭೆಯನ್ನು ನಿರ್ವಹಿಸಿದರು. ವೇದಿಕೆಯಲ್ಲಿ ಕಾರ್ಯದರ್ಶಿ ವಿಸ್ಮಯ್, ರೋಟರಿ ಕ್ಲಬ್‌ನ ಶ್ಯಾಮಪ್ರಸಾದ್, ಶಾಲಾ ಇಂಟರ್‍ಯಾಕ್ಟ್ ಕ್ಲಬ್‌ನ ಸಂಯೋಜಕ ಗಣೇಶ್ ಕುಲಾಲ್ ಏತಡ್ಕ ಉಪಸ್ಥಿತರಿದ್ದರು. ದಂಢಾಧಿಕಾರಿ ಸಂದೇಶ ಸಭೆಯ ಶಿಸ್ತನ್ನು ನಿರ್ವಹಿಸಿದರು.